kabylieaucoeur

Azetta n tissist

Zdat uzetta n tissist

La ttwehiddegh axellaq

La ttwaligh di tissist

Aɛdil-is mi tedhleq

Kecmegh di tyerrist

Tugi ad-iyi-tedhleq

I ttwalint wallen-iw

Yedja lmux isewweq

Ssalayegh lehsab-iw

Lxater-iw idhaq

Ttmeyyizegh i tikti-w

Tifrat qqaregh tlaq

Walai izi ay tezzi

Rrif n uzetta

Tissist a tettgani

Yebbernennedh yaɛya

Tsumm-it irkelli

Tekfa-t di ddqiqa

Maci d yiwen, d sin

Nekk la ttxemmimegh

D acu i ten-id-yewwin

Σerdhegh ad fehmegh

Tissist i ten-yettradjin

Ad tidir qqaregh

Lqidhun iluheq-d

ssut a yettawi

Yettban yedjhed

Azetta ad t-yerwi

Iban yeqers-d

Mi yebgha ad iɛeddi

Am lexyal i t-yettwali

Ur yezmir i kra

Yefhem akk tigi

ghur-s ulac tuffra

Bu ddraaa yettaeddi

Wayedh ulamek ara

Akka i ttwaligh isudhaf

Am uzetta n tissist

Akeur yettwattaf

Zdat-s d tilist

Bu tuyat d asettaf

A ulac tiyerrist

Isudhaf zgan selhen

I kra n win yesɛan

Anwa i zgan dhurren

D winna i inxessen

Meyyez a lfahem

I wumi ten-id-qassen?

Achene Mariche  tiré du recueil “ tazlagt n tikta”

 Recueil de poésie Ahcène Mariche